Gabriela Gwerder

Ich han mich scho immer für Mode interessiert und als chliises Maitli scho am liebschte Verchäuferlis gspillt und mich gärn verchleidet. Im 2008 han ich mier denn min Traum mit de Gwandelbar döffe erfülle. Hie chan ich mich so richtig usläbä und die nüschte Trends verfolge, chan Fraue vo verschiedene Generatione berate und gueti Gspräch bimene feine Käffeli füehre, döff mich au immer wieder vo de nüe Kollektione vo InWear, Tiger of Sweden, Saint Tropez und sitt Januar 2012 auf vo Boss Orange inspiriere la!

Mit de'Schue vo Vagabond und em Schmuck vo Konplott gits denn nu de letschti Schliff für jedes Outfit und somit wärid glaub alli Fraueträum was Mode abelangt, deckt! 

Es macht mier nu immer wahnsinnig vill Spass, mich kreativ bi Schaufenschter, de Dekoration oder minere Sprüchetafele z'betätige. Dank all mine liebe und guete Chundinne isch s'mier möglich min Traum z'läbä! Dankeschön!!!